گزشتہ دو سیشنز میں کمی کے بعد جمعرات کو پاکستان کی مقامی مارکیٹ میں سونے کی قیمتوں میں نمایاں بحالی ہوئی۔
آل پاکستان جیمز اینڈ جیولرز ایسوسی ایشن کے شیئر کردہ اعداد و شمار کے مطابق فی تولہ سونے کی قیمت 2,000 روپے اضافے سے 262,100 روپے تک پہنچ گئی۔
اسی طرح 10 گرام کی قیمت 1,714 روپے اضافے سے 224,708 روپے پر طے ہوئی۔
بین الاقوامی مارکیٹ میں قیمتی شے کی قیمت میں 22 ڈالر کا اضافہ دیکھا گیا جس کی فی اونس قیمت 2503 ڈالر پر پہنچ گئی۔
فی تولہ چاندی کی قیمت 2900 روپے پر برقرار رہی جبکہ پاکستان میں 10 گرام کی قیمت بھی مستحکم رہی۔
ایک دن پہلے، عالمی قیمتوں میں کمی کے درمیان مسلسل دوسرے دن مقامی مارکیٹ میں سونے کی قیمت میں کمی دیکھی گئی۔
فی تولہ سونے کی قیمت 1400 روپے کمی کے ساتھ 260100 روپے ہوگئی۔ اسی طرح 10 گرام کی قیمت 1,200 روپے کی کمی سے 222,994 روپے تک پہنچ گئی۔
